Mbrojtësi i Inter-it, Diego Godin pritet të largohet pas vetëm një sezoni dhe thuhet se zgjidhjen e ka gjetur të skuadra e Cagliari-t.

Sipas FCInternews, Inter-i është i përgatitur t’i paguajë lojtarit tre muajt e parë të kontratës momentale, transmeton portali arbresh.info.

Uruguaiani gjithashtu ka arritur marrëveshje me Cagliari-n për tri vitet e ardhshme për 2.5 milionë euro për vit plus bonuset

Godin nuk është në projektin e trajnerit Antonio Conte, andaj do largohet, derisa Inter-i do fitojë mjaftueshëm duke mos i paguar rrogën lojtarit.

Edicionin që lamë pas 34-vjeçari bëri 36 paraqitje duke shënuar dy gola dhe ndihmuar “Neurazurët” të përfundojnë në pozitën e dytë të Seria, të arrijnë deri në gjysmëfinalen e Kupës së Italisë dhe finalen e Evropa Ligës, por nuk fitoi trofe./arbresh.info.